🚨 अमळनेर तालुक्यात खळबळ! 🚨 कचरे गावातील ३२ वर्षीय युवकाची गळफास घेऊन आत्महत्या; परिसरात हळहळ व्यक्त

, मुख्य संपादक परेश उदेवाल

अमळनेर तालुक्यातील कचरे गावात एक धक्कादायक घटना उघडकीस आली असून, ३२ वर्षीय युवकाने गळफास घेऊन आत्महत्या केल्याने संपूर्ण परिसरात खळबळ उडाली आहे.

मनोहर छोटूलाल पाटील (वय ३२, रा. कचरे, ता. अमळनेर) असे मृत युवकाचे नाव असून, त्यांनी आपल्या राहत्या घराच्या छताला दोरी बांधून आत्महत्या केल्याची माहिती समोर आली आहे. ही घटना उघडकीस येताच नातेवाईकांनी व ग्रामस्थांनी तातडीने धाव घेत युवकाला खाली उतरवून ग्रामीण रुग्णालयात दाखल केले.

मात्र डॉक्टरांनी तपासणीनंतर त्यांना मृत घोषित केले. या घटनेमुळे गावावर शोककळा पसरली असून, युवकाच्या अकाली जाण्याने हळहळ व्यक्त केली जात आहे.

दरम्यान, अमळनेर पोलीस ठाण्यात अकस्मात मृत्यूची नोंद करण्यात आली असून, पोलिसांकडून पुढील तपास सुरू आहे.

⚫ एका तरुणाच्या अशा अचानक जाण्याने कचरे गाव हादरले असून, नागरिकांकडून दुःख व्यक्त करण्यात येत आहे.